Gas-bas Din

Gas-bas Dindâ 5th June, 2014 -ni Chimesenggre gawni manise. Aro 15th June, 2015-dâ Hajongpara gawni manise. Ek jhon dewsirâ gawla mânglâgon gas kam lagala beden hikâse. Gasglâ batas dey, saya dey, phol dey aro paniu thake beden aha kâlkâglâ patarong bhora hôk ke bakhar gas lagabage gawla mânglâgon buddi dise. Ey gawni pani kumibâ dhurise ba panirâ tenga beden khabage bhala nahoy beden hakle idâ ter pawara dango kotha aro elate âmâglâ gas-basglâ baseya narakhile, aha jugni kusui nathakibo kew oy kuse. Gasglâ mân jat bokra nanantake kam dey- ghor banani, khuri, aro koya jaba pay.
Âmâglâ uglâgon bakharke gas deba nâypay, te uglâgon barate thaka Sericulture uphis bhay ingkây dewa gasglâ anibâ jaba kuse.

Uglâgon sap-sikunlâ bedeno hikâse. Ek jhon sorkari narseja ôy sumâyni kuse. Oy kuse, "Puilârâ huse nijâgon sapa rakha." Tane sap-sikunrâ khob bhala ke algaglâgew bisike bhalake baneya deba lage aro cuk khuliyâ deba lage. Oy gawla mânglâgon jhuk dise- dini gaw dhobage, dat majibâge, nungul katibâge, cul ciribâge, kapur dhobage, ghor-hawliglâ saribâge ba musibâge, pani aro khawanglâ dhakiyâ thobage aro mosapoka hakabage bonbariglâ sapa kuribâge.

Hajongpara
.